• Mrunal Ratnaparkhi

Description

PATA NAHI!

By Mrunal Ratnaparkhi

Dheemi si shaam hai, Aur mein baithi hoon…

Khidki se thoda door aur bohot najdik

Khamoshi se.

Khamosh? Shayad nhi. Par Shayad Haan,

awaj se Khamosh hoon, Sara shor to andar sameta hai

Ye jo bhi hai... Jise hum shor samazte hai,

Shayad wo shor hai hi nhi

Wo hai koi awaaj...

Kisi ghane Jungle mein jab

Pedonki ek daal dusri se takrakar jo awaj Hoti hai na...

Bilkul waise!

Mere zehen mein bhi wohi hai

Mere khayal uun teheniyon ke jaise hai

To mein…

Isi awaj wali khamoshi ke saath Yun hi baithi hoon.

Ek ek tehni se milti Hui,

Ek ek tehni Ko parakhti hui

Andar hi andar aage badh Rahi hoon

Koi purani tehni girti hai to

Nayi Kahi se leti hai Janam

Silsila jari hai..

Khayalon ke iss jungle mein Chalte chalte

Koi Aisi jageh milti hai…

Jaha na koi ped, na koi patta hai

Na awaj na gunj, Kuch bhi nahi.

Waha hai kamoshi aur khamoshi bass!

Mil gayi! Muze meri jageh mil gayi.

Muzhme hi thi par pata nhi Kyun wo thi nahi

Ab Wahan wo saare ped piche chut Gaye hai

Bas unhe door se dekh Sakti hoon,

Kitne Sundar the wo.

Unhe ab mein acche se samaz Sakti hoon

Jab jungle ke uss paar thi,

Kitna bikhra bikra dekha tha sabkuch

Yaahan, is jageh se Sara kuch sulza hua dikhta hai.

Par ye hai kya? Konsi jageh hai yeh?

Pata nahi.

Waise zindagi mein “pata nahi” bohot hai.

Mrunal????